الحلقة الخامسة عشر من برنامج في عالم التقنية هذا الأسبوع
الحلقة الخامسة عشر من برنامج في عالم التقنية هذا الأسبوع
من إعداد وتقديم
سعد القحطاني
سعود الشريهي
حلقة مميزة كما سماها واحد من الشباب
الحلقة الرهيبه
لمتابعة الحلقة دون التحميل إضغط على Play Now من الخيار FLV
الله يعافيكم على الحلقة المميزة ، والحمد لله على سلامة الوصول 🙂 ، وبكل صراحة اعجبني الاستوديو الرائع لاننا ملينا من الكوفي شوب .. 🙂
اقترح تكون احدى الحلقات القادمة عن الشراء والتسوق من الانترنت خصوصاً وان الفترة هذي فترة طفرة تسوق مع دعم بي بال للسعودية وتوفر العديد من المواقع اللي تعرض السلع والمنتجات بسعر منخفض مقارنة بالسعر الاسواق المحلية ..
قبل لااختم ردي اتمنى نشوف برامج جديدة على قناة التقنية العربية خصوصاً وان الاجازة الصيفية قريبة ، يله عن اذنكم ابروح اراجع عليّ اختبار بعد 3 ساعات 🙁 دعواتكم ..
االحلقه شغاله بالبدايه فقط الى دعاء السفر ثم ينقطع ارجو ارجو انزال الحلقه كامله واصلحها
السلام عليكم
يعطيكم العافية على الحلقة الرئعة, المميزة..
لي عتب عليكم بصراحة..
اتمنى أنكم تركزوا على طلبات الاخوان وتحاولون قدر المستطاع إرضاء المشاهدين..
في الاخير أقول لجهاد يأخي لك وحشة .. أخبار مدونة إرهاصات جهاد؟؟
أخوكم خالد
السلام عليكم
صراحة الحلقة توسع الصدر حسيت بجو الCNET Reviews ههههههه
طبعا انا قاعد اتابع الحلقة معكم وكل ماشفت شي اوقف واكتب
بخصوص مشكلة الdelay اللي ذكرتوها هي فعلا مشكلة موجودة بخدمة انترنت الستالايت ولها مفهوم شائع اللي هو Ping
يمكن البعض يتذكرها لما كنا نستخدمها في فتح المواقع المحجوبة كنا ندخل عالدوس ونكتب على سبيل المثال”ping http://www.arabtech.tv” وراح يطلع لنا IP address ودووغري نحطه بشريط العنوان ويفتح معنا المواقع لان اول الحجب كان على الدومين وكانوا يغفلون الاي بي ادرس
طبعا الطريقة اللي فوق هي مخصصة لاختبار الاتصال بينك وبين كمبيوتر او سيرفر فتلقى يظهر لك 3 او 4 محاولات للاتصال بالسيرفر وسرعة الرد في كل محاولة واللي تظهر بالملي سكند يعني لو ظهر لك مقياس الping حول ال500 فأعرف ان سرعة تفاعل السيرفر معك 0.5 بالثانية (نصف ثانية) وطبعا كل ماقل معدل الping كل ماكان افضل في مثل هذه الحالات:
1- VOIP وهي الاتصال الصوتي بحيث لو كان الPing عالي مثل 600 راح ياخذ صوتك تقريبا 0.6 ثانية عشان يوصل للطرف الثاني وتحس مايعطيك وجه لما تتكلم يبربر 😀
2- في الالعاب تلاقي الاجنبي يفوز عليك دايم وساعات ماتدري الا والرصاصة بجبهتك والساحة فاضية ليه؟؟ لان غالبية سيرفرات الالعاب بالخارج والping عندهم مايتعدى ال200 فعادي اذا شفته يتمشى قدامك في لعبة call of duty لانه ضامن منتب جايبه لو ترمي عليه RPG 😀
3- في التصفح وخاصة حقين الاسهم المضاربين بشكل يومي تلقى السهم فجأه يطيح وعلى طول يبي يسوي عملية شراء لكن الPing علي فيأخر عمليته وتروح عليه الفرصة
لا اخفي ان الDSL الى الان والping فيه عالي يوصل 500 زي السلام عليكم لدرجة اني لما العب اي لعبة ارتبهم على اساس الping واللي اشوف عنده الping عالي اعرف انه سعودي هههههه والعب معه عشان يكون فيه نوع من العدل خخخخخ
اللي وده يختبر الping في موقع يقدمها لك اللي هو http://www.selfseo.com/ping_test.php
وبالنسبة لانواع الDSL كثيرة وافضلهم في نظري الVDSL وكندا الان توفره لكن مشكلته يحتاج تحتاج تكون قريب جدا من المقسّم او الكبينة وتتوفر سرعات تصل ل 52 ميقا بت وما اتوقع راح تتوفر عندنا ابدا لدخول المنافس Mobily connect بسرعات تصل ل 14.4 ميقا بت بعد عدة شهور أو نقول سنة فأفضل من انهم يعيدون حفر الكيابل ويسون لكل 5 بيوت كبينة جديدة
هذا اللي حضرني واكمل الحلقة وارجع اعلق 😛
يعطيكم العافية شباب.
خالد:
اشتاقت لك العافية عزيزي. أنا متابع للقناة ومشتاق للمشاركة فيها بأسرع وقت. حالياً أنا ماخذ وقت مستقطع للتركيز على اطلاق موقع “قيم” اللي أعمل عليه منذ شهور. والعودة قريبة باذن الله. والشباب ما يقصرون فيهم الخير والبركة.
ماشالله حلقه جميله جدا
اللي عجبني تغيير مكان التصوير فحبذا كل حلقه تتخذون مكان غير المقهى اللي تصورون فيه
ومن ناحية اخرى ياليت تتكلمون عن ال HD TV وال gaming وووغيرها
مشكورين على الخلقة الرائعة وتمنيت إني معكم ..
وأشكركم مجددا على استجابة الطلب ..
وانشاء الله ترجع بالسلامة يا سعود والله يوفقك وترجع سالم رافع الراس ..