الحلقة العشرين من برنامج تقنيات بعنوان Fedora Linux Live USB
الحلقة العشرين من برنامج تقنيات بعنوان
Fedora Linux Live USB
إعداد وتقديم
سعد القحطاني
ضيف الحلقة
جريس الجريسي
رابط تحميل برنامج Live USB Creator من هنا
https://fedorahosted.org/liveusb-creator
شكرا على الموضوع أتمنى أن أجد ما احتاجه بالتوزيعه
في قارء قوقل للخلاصات تظهر الكلمات العربية بعلامة أستفهام ؟
المتصفح فايرفوكس
ياسلاااااااام حلقة ولا اروع ..
ياخي من أول سوو حلقات عن لينكس..
حلقة خفيفه وحلوه..
..
وبانتظارحلقات اخرى عن لينكس..
أنا عن نفسي حاب اعرف طريقة عمل المحاكي الي تكلمت عنها ياسعد..
واتمنى تكون الشروح على توزيعة ابينتو لأنها خيار المبتدئين..
شكرا لكم .. 🙂
حلقه رائعه جداً ,,استفدت منها ,,
والأروع إن استمريتم في سلسلة حلقات مخصصه للحديث عن اللينكس ,,
وعن الأوبن سورس بشكل عام
ذكرتم في الحلقه ,, جنوم وKDE أتمنى أن توضحوا الفرق بين هذه الواجهات بأسلوبكم المبسط الذي اعتدناه منكم
كذلك أعجبني تكثيف المعلومات في برنامج تقنيات أيام شرح الإنترنت عن طريق الهاتف المحمول ,, فياحبذا لو تكون الحلقات القادمه للينكس على نفس الشاكله ,,
في آخر اللقاء تحدثتم عن الدعم ,, وهنا أطرح سؤال ,, كيف يمكن للمستخدم العادي وكذا المستخدم المتخصص دعم المصادر المفتوحه كلا على حدى,,
أملي أن تستضيفوا أحد المطورين والداعمين للأنظمة والبرامج المفتوحه ,,
والشكر يقدم للأستاذ الجريسي ,, وكذلكم لكم أستاذ سعد
وأنا من المصوتين بكل تأكيد لاستمراريه حلقات اللينكس
المعذره على الإطاله ,,
بالتوفيق لكم
تحياتي
حلقة رائعه اخوي سعد
اضفت الحلقه في موقع عالم التقنية
http://www.tech-wd.com/wd/?p=882
فكرت انه كل حلقه تتكلم عن موضوع معين افضل من فكره ان تكون عن الاخبار التقنيه
لاننا نحتاج مثل هذه الدروس و الشروحات
و شكراً
في عندي ملاحظه مهمه
مع اني ادرس في قسم الحاسب الالي بس اجد بعض الاحيان مشاكل في المسطلحات الانجليزيه التي تقولونها فما بالكم في بقيت المشاهدين الغير متخصصين في الحاسب
حلقة رائعه
واشكركم على تقديمها
و نتمى المزيد المزيد من الحلقات عن اللينكس
حلقة مميزة استمتع بها كثيراً , وطريقة تركيب اللينكس على الفلاش مومري جداً رائعة
ومزيد من التقدم بإذن الله
حلقة رائعة أفادتني كثيرا لأجرب نظام لينكس بأسهل الطرق الممكنه
شكرا سعد نجم الشاشة 🙂
وشكرا للمبدع جريس أرفع قبعتي لك صحيح أنها لا تشبه قبعة خبير اللينكس 🙂
أتمنى تكون هناك حلقات ثانيه عن هذا النظام الأمن
تم حفظ هذه الحلقة لدي
مرحبا
الله يعطيكم العافية
أحبتي أشكر لكم مروركم الرائع
أنتم حقيقة الرائعون فلكم منا كل الشكر والتقدير فأنت تستحقون أكثر من هذا
دمتم لنا سالمين
نبي زوووود
وياليت يكون هناك برنامج مخصص عن الجنو لينوكس
شكرا سعد شكرا ياجريس
سطام العتيبي
نبغا الجريس …..
لآ عدمناك ننتظر التكملة . ///
السلام عليكم و رحمة الله و بركاته
حلقه ممتازه واتمنى اتحافنا بالمزيد عن لينكس
هلا والله بالردود اللي تفتح النفس 🙂
هلابكم كلكم ، تسلمون على ردودكم ، كان ودي أرد بوقت أبكر من كذا لكن الظروف تحدك على أقرب ماصورة 🙁 .
كنت ناوي ومتفق مع سعد إني أعلق على ردودكم واحد واحد الليلة ، لكن حصل لي ظرف ما يتأجل ولا أمداني أرد ، أعتذر لكم وأعتذر لك سعد عن التأخير هذا .
إن شاء الله أبرد عليكم هاليومين .
تصبحون على خير ،
جريس .
الله يجزاك خير ياخوي سعد ويوفقك على قد نيك وترانا من المتابعين للموقع اول باول وان شاء الله انها راح تكون خطوه حلوه لو تركزو على اللينكس وتوزيعاته بس ياليت نتفق على توزيعه معينه نشتغل عليها كلنا ونتعلم عليها.
مساء الخير ، أخيراً فضيت انا يا طويل العمر ..
لما قريت الردود أول مرة لما نزلت الحلقة ، حبيت لينكس زيادة ..
تسلمون .
abosaed :
هل فقط هالإستفهامات تطلع معك بس في موقع قارئ قوقل ؟ والمواقع العربية تطلع معك مظبوطة ؟
لتسريع الحل ، من قائمة View في الفايرفوكس ، روح لـ Character Encoding وبعدها إختار UTF-8 ، وخبرني وش يصير معك ..
عبدالله :
حلو صراحة الحلقة أعجبتك ، كلامك صراحة يفرح ويحمس ، وإن شاءالله بيكون فيه برنامج متخصص عن لينكس ..
شاطئ الإبداع :
امممم بخصوص الفرق بين ( KDE كيدي ) و ( قنوم GNOME ) مو واحد ، فيه كذا فرق ، ومن ضمن الفروقات إنو قنوم أخف وأسرع من كيدي ، لكن كيدي أكثر برامج من قنوم .
و أغلب التوزيعات صارت تعتمد على قنوم كا واجهه إفتراضية ، زي ريدهات وفيدورا وأبونتو .. ، وبرضوا كيدي أسهل للمستخدم اللي توه جاي من عالم ويندوز ، لأنها شبيهه بقؤائم ويندوز ..
والفرق الأخير إنها على حسب تفضيل المستخدم ، اللي يبي كيدي أو قنوم كلهم تحت يديه ..
بخصوص الدعم عزيزي ، المستخدم العادي يقدر يدعم المصادر المفتوحة و لينكس بأنو يسخدم أنظمة لينكس وإن كان مايقدر وعنده سبب يبقى على ويندوز طول وقته ، يستخدم برامج مفتوحة المصدر تشتغل على ويندوز ، زي برنامج الفايرفوكس مثلاً .
المستخدم المتخصص ، يقدر يدعم بأنو ينشر النظام بين المستخدمين العاديين ، يحل المشاكل اللي يمكن تواجههم سواء بالمنتديات أو بالحياة ، أممم يساعدهم بكتب ودروس وجلسات تفيدهم بالتعامل مع أحد أنظمة لينكس ..
ويابعدهم إن كنت مطور برامج ، تقدر تنشئ ، أو تطور برنامج مفتوح المصدر بفكرة جديدة طرت في بالك ..
مع المصادر المفتوحة ، كل شيء سهل عزيزي ..
على فكرة ، ترى إذا كنت في منتدى لأنظمة لينكس وشافوك إنسان ما شاء الله عليك فلته لينكس ، توقع يجيك إيميل من أحد الشركات الداعمة للينكس تبي توظفك 🙂 .
وهذا هو اللي تسويه ريدهات http://www.redhat.com
المفضل :
أبشر ، إن شاء الله بتشوف حلقات جايه عن لينكس ..
،،
خارج عن النص ، سعد القحطاني ، سعود الشريهي :
شفتوا وشلون انا اسمي جريس الأكه قصدي الورقة الرابحة ؟
شف كيف \ وكم الردود خخخخخخ
،،
عبدالملك الثاري :
الله يوفقك مع لينكس ، وودي أسألك سؤال لاهنت عن الفريق حقكم ، فيه أحد منكم كان له الموقع ntdll.com ؟ 🙂 .
حنان :
أتمنى لك الأفضل مع لينكس ، وتسلمين على كلامك .
وإن شاء الله بيكون فيه حلقات جايه .
سطام :
ياخي إنت منت غريب علي ، لما قالي سعد فيه واحد إسمه سطام راد على الموضوع ،
أول من جاء في بالي إنت يا راعي اللينكس وطلع صح علي 🙂
إن شاء الله بيكون فيه زود ، الله ييسر يابو
عمار :
هلابك يابعدهم ، بس تكفى علمني وش تبي فيني أول قبل أجي ، تراني أخاف على نفسي خخخخخ ..
إن شاءالله بتلاقيني مرتز مع الشباب بين فترة وفترة ..
أبو وليد :
أبشر بعزك ، جايات بالطريق الحلقات ..
أبو عبدالله :
طيب وانا مالي شكر يابو ، وش دعوا 🙁 ؟
،،
أقول سعود \ سعد ، هاه كم تدفعون على التصوير معي المرة الجاية ؟
السلام عليكم،،،
جريس… هذي آخر حلقة تصور فيها معنا. الصراحة حلقتين وقمت تتشرط. لا وكل حلقة تطلع فيها أنواع المصايب والأجهزة بالياله تشتغل والمكسر يخرب اسبوع من بعدك 🙁 لا وتبي فلوس بعد.
ههههههههههههههههه
طيب امزح،،، ياحبيبي اللي تامر فيه حاضرين وبعد هالتعليقات صراحة انت إكة شيريا بس بدون شعر 🙂
بس يا شباب عليكم في الرجال… حمسوه عشان يبدأ يصور برنامج خاص بلينكس 🙂
تحياتي،،،
سعود
[…] تركيب لينكس فيدورا على ذاكرة فلاش USB […]
إيه والله .. لو بيحصل لنا برنامج للينكس بيصير شيء مدري وشو خخخخخخخخخ 😀
ترى كذا تحمّسون الناس يحولون للينكس أو على الأقل يجربونه لأن كثير منهم يخاف من مجرد التجربة أو إنه يحط (live CD) بجهازه !
خصوصاً إن مافيه شروحات فيديو بالعربي كثيرة!
ممتاز جدا جدا ،،
أخ سعد أرجوك أرجوك .. استمر على الحلقات الي زي كذا .. ( انتظر حلقة الفيرتشوال ويندوز)
الصراحة إبداااااااااااع والله من جد
كذا الشغل ولا بلاش
يا أخ سعد ليتك من أول كذا تقدم حلقات لينوكسية
تسلم أيديكم أنت و الحبيب جريس الأكة
أخواني سعد وسعود + جريس أرجوا منكم أكمل هذا النوع من الحلقات +ننتظر حلقة الفيرتشوال ويندوز
ثم عندي سؤال خاص بالتوزيعات (وش هي التوزيعه اللي تنصحوني فيه للجهاز PS3 (playstation 3
مع مراعاه مواصفات الجهاز وشكراْ جزيلاَ لكمــــــــ
والله يانا زوول ، من قبل أمس وانا فاتح هالصفحة أبرد :S
رووت ، إذا انا آكه ، إنت سرا يردف سرا يابعدهم خخخ ..
عبدالعزيز ،،
شوف عزيزي ، بخصوص تركيب لينكس على بلاي ستيشن ٣ ، قريت عنه كذا مقال وشفت له كم فيديو ، لكن عشان أصدقك القول ، تراني ما جربته عليه أبد ..
أغلب المواضيع اللي قريتها كانت عن تركيب فيدورا على البلاي ستيشن ٣ ، وتقريباً من فيدورا ٥ بادي التركيب والحبرشة ، والحين نازلة فيدورا ٩ ..
التوزيعات الثانية زي ما قريت عنها ، زي أوبنتو النسخة الأخيرة ، ما يشتغل على بلاي ستيشن ٣ ..
وهذي بعض المصادر بتفيدك إن شاء الله :
شوف الويكيبيديا متكلمين عن الموضوع
http://en.wikipedia.org/wiki/Linux_for_PlayStation_3
وشوف هنا في منتدى البلاي ستيشن ، واحد شارح كيف
http://boardsus.playstation.com/playstation/board/message?board.id=ps3media&thread.id=41851
وشف هالفيديو ، بتحبوه أويلاه :
http://www.youtube.com/watch?v=_ZXcuhJkwx4
هذا يشرح لفيدورا ٥ ..
انا ماجربت الطريقة ، عشان كذا دليتك على الروابط ،، تبينا نجرب على البلاي ستشين حقك ما عندي مانع ، جهز الملحق والسيديات علي خخخ
بالتوفيق شباب ..
٢٤ رد يا قناة التقنية العربية ، لازم تمشون لي راتب خخخ ..
المهم
مبروك عليك الشهر وعلى كل المتصفحين
شكرا على المجهود الرائع .
انا نزلت البرمامج باستخدام البرنامج الملحق ونزلت نسخه عن طريق التورينت ولكن عندما يبدا البرنامج بالعمل وقراءة ملف ال iso يظهر لي الرساله التاليه :
Error: The SHA1 of your Live CD is invalid. You can run this program with the –noverify argument to bypass this verification check.
وصراحه تعبت من تنزيل النسخه لانها تاخذ وقت هل المشكله عندي في الجهاز او الفلاش او سوء الاتصالات ارجو الرد لاني جهازي asus 900 ولا فيه سيدي .
شكرا مقدما ومؤخرا.
أبو تركي ..
المشكلة عندك بتحميل النسخة من الإنترنت ، تحتاج إنك تحملها من جديد 🙁 ..
كأنك بالرياض وتبي نسخة لينكس فيدورا أقدر أعطيك أياها ..
شوف معلوماتي هنا :
http://jerais.com/plug/?page_id=4
مشكلتي هي كالتالي
http://lh6.ggpht.com/_OgLN-YqVegc/SSAgk5XKOjI/AAAAAAAAABk/SSiy5FAiEDU/s512/PIC_0543.JPG
عرض رائع
والشكر موصول للاخ جريس
ياسلام عليكم والله ابطااال
يعطيكم الف عافية
الحقيقة حلقة اكثر من رائعة استفدت منها وطبقتها والنضام الان معي في اي مكان
كان من زمان ودي اجرب النظام لاكن خايف منه الان اجربه وأنا عندي الوندوز
بس يا ليت لو تشرحون طريقة دمج اكثر من نظام بحيث يمكنني اختيار النضام الي ابغى مع طريقة سهله وعجله للمشغولين امثالي
شكرا لكم على سعة صدوركم وتسلم ايدينكم
جميل جداً
هذا الشيء الي نبيه بصراحه
انا اقترح يصير كل اسبوع 5 دروس في الحلقه عن اللينكس !!
وهكذا الى ان نتعرف على اللينكس بالكامل 🙂
من زمان اتمنى اشوف مثل هذي البرامج والأنظمةونبغى حلقات حتى نعرف الفرق بين لينكس وويندوز والمميزات والعيوب
أتمنى تقاطعون هذا الموقع .wikipedia.لأنه كان من فترة طلعوا صور عن الرسول صلى الله عليه وسلم ما أذكر يمكن كان عن جثمان الرسول صلى الله عليه وسلم المهم مدري لكن نشروا شي عن الرسول صلى الله عليه وسلم مدري لكن المهم طلع الموضوع في قناة المجد
شكراً
اريد معرفة كيفية تخزين ملف من اللنكس الى الفلاش ميموري
احييكم على اختيار اللينكس لشرحه بس عندي تعليق بسيط لاني شفت اغلب الناس يعتبرو مبتدئين انصحكم بعمل سلسلة حلقات عن الاوبنتو وانا مستعد اقدم هالحلقات وادعمها واقوم بمساعدة كل الي يحتاج مساعدة بما في ذلك توزيع سيديات مجانية بس هالموضوع محتاج منكم تركيزكم على هالنظام بالذات لانه مو من المنطق تجي تشرح لواحد عن اللينكس وتعطيه الفيدورا ولا الاوبن سوزي المستخدم العادي في باله انه بيتعامل مع ويندوز اخر غير الي يستخدمه علشان كذا ابداو بالابنتو واعطوه اولويه وراح تشوفون كيف المستخدمين ممكن يتفاعلون معكم بشكل كبير سعد ايميلي عندك ورقم جوالي في حال انكم احتجتو لاي مساعده في هالموضوع حاضرين